Қорғанбек Аманжолов

Зұлмат пен ғибрат. – Алматы: «Информ - Арна», 2003. – 568 бет.

Қолыңыздағы осы бір толғанысқа толы кітаптың әрбір тарауында тәуелсіз қазақ елінің кешегісі мен бүгінгісі, көлеңкесі мен күнгейі қатар көрініп, қатар өріліп отырады. Талантты тарлан журналист өзінің көргендері мен түйгендерін тарих талқысына сала отырып, көркем сөздің көрігінде пісіреді, шың болаттай шымыр ойларын суымаған күйде алдыңызға тартады. Тәуелсіз еліміздің төл шежіресі іспетті бұл кітап қалың оқырман қауымды бей – жай қалдырмас деген ойдамыз.

Қорғанбек Аманжолов

ЖырлаймынКөкшетауымды: өлеңдер. – Алматы: «Тоғанай Т» баспасы, 2012. – 216 + 8 бет жапсырма.

Қорғанбек Аманжол Көкшетау өңірінен шыққан талантты ақын, есімі меншығармашылығы елімізге кеңінен мәлім қарымды қаламгер. Бұл кітапқа оның туған жерге, өскен өлең – жырлары  мен толғау – балладалары топтастырылған. Сонымен бірге соңғы кезде жазған шоқтығы биік туындысы Қанай – Абылай поэмасы алғаш енгізіліп отыр. Шынайы ақындық сезім, шырайлы ой, шұрайлы тілмен кестеленген жыр кітабы әдебиет сүйгіш қауымды бейжай қалдырмайтыны анық.

Көкшенің әр тасында аты қалған (естеліктер). Көкшетау: Көкшетау университетінің баспа орталығы, 2006 ж. – 191 бет.

Қасиетті Көкшетау топырағында туған талай бір талантты перзенттерінің бірі де бірегейі белгілі журналист, жазушы, қоғам қайраткері Жанайдар Мусин. Бұл кітапта Ж.Мусиннің көзін көрген, қадірі мен қасиетін таныған ел ағалары мен туған-туыстарының, тәлім – тәрбиесін алған ізбасар інілерінің естеліктері топтастырылып отыр. Кітаптың ел үшін білімін де, білігін де аямай қызмет ете білген абзал азаматтың өмірі арқылы бүгінгі және келер ұрпаққа айтар тағылымы мен өнегесі мол.

Айдос Әбутәліпұлы

Сеңгір серпін. – Көкшетау, 2018ж. – 216 бет.

Айдос Әбуталіпұлы өзінің өлең – жырларымен, шағын әңгіме, өмірбаяндық естелік шығармаларымен, өлке танушылық өрелі туындылары Қосағалы, Аңғал, Қалақ батырлар, қазақ ұлттық өнерлерінің шеберлері құсбегі Дүйсен, Науан хазірет, Тіржан қажы, Шолақ балуандар жайлы естеліктерімен оқырман қауымға кеңінен таныс. Осы кітапқа ақынның соңғы кездері жазған өлеңдері, толғаулары, естеліктері енгізіліп отыр.

Қорғанбек Аманжол

Бірәлі – дастан. – Алматы: «Информ – Арна», 2007 – 184 бет, 32 – суретті жапсырма бет.

Белгілі ақын Қорғанбек Аманжол өзінің осы поэмасына таңғажайып тағдыр иесі, халқымыздың біртуар асыл перзенттерінің бірі, Социалистік Еңбек Ері Бірәлі Нұртазиннің өмір жолын өзек етіп алған. Аяулы ел ардағының 85 жылдығына арналған бұд кітапқа сондай-ақ Бірекең жайлы замандастар естеліктері мен эссе – очерктер еніп отыр.Аталмыш басылым – аңызға айналған айтулы тұлғаның жарқын бейнесін сомдайтын, алда шығар кітаптар топтамасының алғашқы қарлығашы.

Зеренді қарағайлары. Жыр кітабы. – Алматы: Дайк – Пресс, 2002. – 186 бет.

Қорғанбек Аманжоловтың Зеренді қарағайлары деп аталатын жыр кітабына әр кезде жазған өлең – жырлары мен баллада, толғаулары енгізілген. Жинақтың тақырып ауқымы кең – туған жерге деген перзенттік махаббат, адамға деген құштарлық, нәзік сезім иірімдері, адамгершілік қасиет – осының бәрі ақын жырларының алтын арқауы.

Жинақты жиі кездесетін айшықты сөз өрнектері мен ой орамдары ақынның өсу үстіндегі сәтті ізденістерін айғақтай түседі.

Сабат. Өлеңдер, балладалар және поэма, - Астана, «Астана полиграфия», 2008.  272 бет.

Ақынның жаңа жыр жинағына соңғы жылдары жазған өлеңдері, балладалары және поэмасы енгізілді. Лирикалық әуендер арқылы автор бүгінгі заманның тыныс-тіршілігін бейнелейді.

Ақиреттік аманат – Алматы: ЖШС «Қазақстан» баспа үйі, 2012. – 384 б.

Ақиреттік аманат прозалық кітабына әдеби эссе-толғамдары, көркем очерктері, жол-жазба сапарнамалары және белгілі тұлғалармен сұхбаттары топтастырылған. Олар бүгінгі биік өрелі оқырман талғамына сай, танымдық тұрғыдан қызғылықты, сүбелі дүниелер дей аламыз. Мұнда өткен тарих та, бүгінгі заман келбеті де, мәдениет пен өнер, елдік пен ерлік, ғибрат пен зұлмат, жарқын бейнелер мен жасын мінездер – бәрі бар. Кітапты тұтас оқып щыққанда әлемге танылған Қазақстанның, тәу етер Тәуелсіздігіміздің сұлбасы қатар өрнектеліп отырғандай әсерге бөленеміз. Кітап қалың оқырман қауымға арналған.

КҮЛЯШ РАҚЫМЖАНОВА

Зерендім – алтын бесігім (Өлеңдер, поэмалар, шығармалар) – Көкшетау, 2012 – 272 бет.

Жаны жайсаң, көкірегі ояу болмаса табиғатпен сырласу, патриоттық сезімді суреттеп жырға қосу екінің бірінің қолынан келе бермейтің нәрсе болса, ақын өзінің ойын, ұшқыр тілегін, отан-сүйгіштігін «Зерендім – алтын бесігім» атты кітабында суреттей алған, қаламы ұшқыр жазушы.

Қиянат. Бұл кітапта автордың тарихи деректерге сүйене отырып көп еңбек еткені байқалды. Сонымен қатар өткен жырау-ақын бабалардың еңбегінен оқырманға үзінділерін әдемі ұсына білгені, өмірінен көптеген қызық әңгімелер келтіруі, еңбек ерлерін ардақтауы, жүректен шыққан жырлары, туған ел, тәуелсіз Қазақстанның болашағы туралы ойы толық берілген.

МАҒИРА ҚОЖАХМЕТОВА

Адам – құпия. Алматы: Ана тілі, 1997. – 234 бет.

Табиғат пен тіршіліктің жұмбаққа толы тылсым екені бәрімізге белгілі. Ал адам болмысының құпиясы өз сырын мүлде тұңғиыққа жасырған. Қанша зерттелді десек те, уақыт алға озған сайын жаратылыс пен өзекті жанға қатысты небір оқыс жаңалықтар алдымыздан шығуда. Жан, тән, рух  деген не? Адамның патшасы өз денесінде дегенді қалай түсінесіз? Парапсихологиялық тәжірибелердің күнделікті өміріміздегі көріністері, әліппенің, әріптердің, сандардың магиялық билігі. Алғыс пен қарғыстың материалдық көшірмелері. Ниет пен пиғылдың тірліктегі үстемдігі...

Кітап – дәрігер, психолог, этнолог мамандарға және көпшілік оқырман қауымға арналған.

Жантәсілім: Роман – Алматы, «Ана тілі» баспасы ЖШС, 2001. – 312 б.

Сегіз, тоғыз ай аралығында алыстағы Бұғылы ауылының жетпісінші жылдары кешкен хал-ахуалының астарында сол өңірдің сексен, тоқсан жылдық қуаныш, қайғысы, өкініш, мұңы, бақыты жасырынған. Кешегі мен бүгінгі тіршілік тынысынан көңіл қобалжытар келешек келбеті еміс-еміс көлбеңдейді. Үміті, күдігі қатар жарысқан күрделі кезеңнің Бұғылы тұрғындарына артқан жүгі сан алуан тағдырлар арқылы өрбиді...

Жападан-жалғыз (1 том). – Алматы: «Ана тілі» баспасы, 2006. – 272 бет.

Жазушы Мағира Қожахметова шығармалары оқыс ой, оқшау тұжырымға жетелейтін сипатымен ерекшеленеді. Кейіпкерлерінің тағдыры сана-сезімнің терең иірімдері, уақыт – адам – табиғат жүйесінің өзара қабысып-қабыспаған қайшылықтары арқылы айқындалып, тебіреніспен суреттеледі.

М. Қожахметованың екі томдық шығармалар жинағына өткен ғасырдың әр жылдары жазылған повесть, әңгімелері топтастырылып берілді.

ЖАНАЙДАР МУСИН

Мандат: Роман-хроника және әңгіме:- Алматы: Жалын, 1991. – 320 бет.

Жазушы Жанайдар Мусиннің бұл кітабы өткен тарихымыздың бір парағы революция тақырыбына арналған. «Мандат» – ұлы көсем Лениннің арнайы тапсырмасымен қазақ еліне келіп, революция ісін жалғастырған, өлім мен өмір үшін айқасып, ашыққан Петроград күрескерлеріне астық жеткізген Балтық теңізшісі В.М. Чекмаревтің көргендері мен ғажап істері жайлы сыр шертеді. Сондай-ақ жинаққа кірген әңгімеде аға ұрпақтың асыл қасиетін баяндайды.

ТӨЛЕГЕН ҚАЖЫБАЕВ

Ақын Төлеген Қажыбаевтың «Жәпек батыр» тарихи дастаны Мағжан ақыншылап айтқанда «Қалданға ханмен бірге тұтқын болған, жолдасы Абылайдың батыр Жәпекке» арналған туынды. Автор Жәпек батырға қатысты тарихи оқиғаларға сүйене отырып ел қорғау жолындағы қазақ батырларының Абылай төңірегіне ұйыса білген ауыз бірлігін, табанды күресін әсерлі суреттейді.

Кітапқа енгізілген «Шалқұйрық», «Ақауыз аттың ажалы», «Бопай ханым» толғаулары басты тақырып – Жәпек батыр оқиғасымен тарихи сабақтастық тапқан.

Ақынның соңғы кезде жазған жаңа өлеңдері өмір өрнектерін өріп түсірген сәтті дүниелер ретінде кітаптан орын алған.

Жеті желі. Өлеңдер, драмалар және естеліктер, эсселер Астана: Елорда. 2001. 360 б.

Жеті желі – белгілі қаламгер Төлеген Қажыбаевтың әдебиет әлеміне құлаш ұрғаннан бергі кезендерінде өзі қалам тартқан әдеби жанрларын түгел қамтуға ниет қылған жаңа жинағы. Төлеген ақын болып сырласады, прозаик болып тілдеседі, драматург ретінде айтарын алға тартады.  Бір сөзбен айтқанда Жеті желі – әдебиеттегі жеті арна, жеті соқпақ. Қаламгердің көркем туындыларынан бастап журналистік ой толғамдарына дейінгі аралықта ақын, прозаик, драматург, публицист Төлеген Қажыбаевтың қалыптасқан қаламгерлік қарым-қабілеті бой тастап отырады. Кітап қалың жұртшылыққа арналған.

БАЙМҰРАТ АЗНАБАЙҰЛЫ

Төрт таған. – Алматы: Информ-Арна, 2005. – 232 бет.

Белгілі журналист – жазушы Баймұрат Азнабайұлының бұл кітабына әр жылдары жазған әңгімелері, мысалдары мен көркем очерктері енгізілген. Ол қай жанрда қалам тербесе де, қанық суреттер жасап, құйқалы ойлар айтып, құнарлы тілімен тәнтті етеді. Әсіресе, қазақтың сирек мысалшыларының бірінен саналатын қаламгер мысалдарының тағылым – ғибрат һәм табиғаты бөлекше. «Төрт таған» оқырман қауымның жүрегіне жол табатына күмән жоқ.

БАЯНҒАЛИ АЛИМЖАНОВ

Сказ столетнего степняка. Роман, повести, сказки. М.: «Художественная литература», 2019-432 с.

Основу книги известного казахстанского писателя Баянгали Алимжанов составляет роман «Сказ столетнего степняка», охватывающий огромный кусок истории, касающейся национально-освободительного движения казахов и Гражданской войны, голодомора, репрессий 30-х годов, участия в Великой Отечественной войне, послевоенного периода, в том числе и становления независимого государства. Публикуется также повести автора и его очень своеобразные сказки: в сборнике много интересного найдут для себя читатели самого разного возраста.

АЙДОС ӘБУТӘЛІПҰЛЫ

Өмір, сені сүйем

Қалам қазынасы (Таңдамалы шығармалар) Айдос Әбутәліпұлы. Астана: «Ақарман-медиа», 2012 жыл – 636 бет.

Бұл кітапта автордың әр кезде жазылған өлеңдері, толғаулары, дастандары, арнаулары, естелік, шешендік сөздер мен әңгімелері, шежірелік желілер берілген. Автордың  шығармаларындағы негізгі ой, арқауы туған ел, жер, табиғаты, тәуелсіз Қазақстан жетістіктері.

Жұмағым./ Айдос Әбутәліпұлы – Көкшетау, 2014. – 128 –б.

Ақын Айдос Әбутәліпұлының бұл кітабына соңғы кездері жазған өлеңдері, поэмалары, Абылай хан һәм Ораз аталық хикаясы, Алабас және шағын әңгімелері, мақалалары мен арнаулары еніп отыр. Туған елі, жері, оның белгілі азаматтары мен өнер иелеріне арнаған айтар ойы, азаматтық үні ешкімді де бейжай қалдырмас деген сенімдеміз.

Зеренді көктемі. Жас ақындардың жыр-жинағы. Астана: «Елорда», 2003 – 120 бет.

Бұл жинақта зергер зерделегендей Зерендінің өлең құдіретінен қуат алған өнерлі жастарының жырлары топтастырылған. Жинақтағы 38 автор отыз сегіз тарапта өз әлдерінше толғанады, ой айтады, сыр шертеді. Құлақ түріңіз, ой көзін қадаңыз. Іліп алар құнды қазынаға жолығарыңыз шүбәсіз.

БАЯН ЖАНҒАЛОВ

Үш кезең. – Омск: ГУИПП «Омский дом печати», 2003г. – 448 стр.

Өмірден көргені де, көкірегіне түйгені де мол халқымыздың қазына қарттарының бірі – Социалистік Еңбек Ері Баян Жаңғаловтың бұл кітабы ел тарихының бір үзік сыры. Автор өз басынан кешкен жайларды, балалық шақ, өскен орта, ата мен ана тәрбиесі жайында әсерлі баяндайды. Кеңес үкіметінің өткен ғасырдың 20-30-шы жылдардағы түрлі зобаландарын, 1941-1945 жылдардағы соғыс қасіретін, онан кейінгі тың жерлерді игеру науқанын көзбен көріп, сол оқиғалардың бел ортасында жүргендіктен сол бір қилы-қилы кезендер ақиқаты қызықтыра да түседі. Өз кезінде Көкшетау облысының Рузаев, Чистополь, Айыртау, Зеренді сияқты ірі-ірі аудандарын басқарған аға буын өкілінің ел тәуелсіздігі жайлы айтар ой-пікірлерінің де ғибраты мол.